İtaliya və Azərbaycan müdafiə nazirləri hərbi-təhsil sahəsində əməkdaşlıq imkanları barədə danışıblar.
APA xəbər verir ki, bu barədə İtaliyanın müdafiə naziri Quido Krosetto bildirib.
Onun sözlərinə görə, azərbaycanlı həmkarı general-polkovnik Zakir Həsənovla görüş zamanı müdafiə sahəsində ümumi maraq doğuran məsələlər, hərbi-təhsil sahəsində əməkdaşlıq haqqında konstruktiv danışıqlar aparılıb.
"Azərbaycan Avrasiya məkanında mərkəzi rol oynayır", - italiyalı nazir bildirib.
Qeyd edək ki, Birləşmiş Ərəb Əmirliklərində (BƏƏ) keçirilən "Dubai Airshow 2023" beynəlxalq sərgisində iştirak etmək məqsədilə bu ölkədə səfərdə olan Azərbaycan Respublikasının müdafiə naziri general-polkovnik Zakir Həsənov ötən gün İtaliya Respublikasının müdafiə naziri cənab Quido Krosetto ilə görüşüb.
