Gələn il Azərbaycanla Latviya arasında diplomatik münasibətlərin 30 illiyi qeyd olunacaq.
AZƏRTAC xəbər verir ki, bu fikri Azərbaycan xarici işlər nazirinin müavini Samir Şərifov Latviya Respublikasının elan olunmasının 105-ci ildönümü münasibətilə Bakıda keçirilən rəsmi qəbulda səsləndirib.
Azərbaycan-Latviya münasibətlərinin strateji əhəmiyyət daşıdığını qeyd edən nazir müavini ölkələrimizin müstəqilliklərini bərpa etdikdən sonrakı dövrdə bir-birini hər zaman dəstəklədiklərini vurğulayıb.
O, qarşılıqlı rəsmi səfərlərin, təmasların, imzalanan sənədlərin əlaqələrimizin inkişafında rolunu qeyd edib: "Əminik ki, dövlətlərimizin və xalqlarımızın rifahı naminə Azərbaycan-Latviya münasibətləri bundan sonra da eyni müsbət müstəvidə davam etdiriləcək.
