İsrail Baş naziri Benyamin Netanyahu Macarıstan Baş naziri Viktor Orbana Beynəlxalq Cinayət Məhkəməsi ilə əməkdaşlığa son qoymaq qərarına görə təşəkkür edib.
Axar.az xəbər verir ki, bunu Netanyahu Budapeştdə Orbanla görüşündən sonra keçirilən mətbuat konfransında deyib.
O, Haaqa məhkəməsinin İsrailə qarşı qərəzli, korrupsioner təşkilat olduğu bildirib:
“Siz indi BCM-lə bağlı cəsarətli və prinsipial mövqe tutmusunuz, sizə təşəkkür edirəm. Viktor, bu, təkcə bizim üçün deyil, bütün demokratik ölkələr üçün vacibdir. Yer kürəsinin ən dəhşətli terror qüvvələrinin təhlükəsi altında öz varlığı üçün mübarizə aparan, demokratiyanı terrorçularla eyniləşdirən bu korrupsioner təşkilata qarşı durmaq vacibdir. BCM ədalətli vasitələrlə müharibə aparan bizi hədəfə alır, bizə əzab verənləri yox”.
