Ukrayna Prezidenti Volodimir Zelenski ilə Böyük Britaniyanın Baş naziri Rişi Sunak arasında telefon danışığı olub.
“Report” xəbər verir ki, bu barədə “RBK-Ukraina” Ukrayna dövlət başçısının mətbuat xidmətinə istinadən məlumat yayıb.
Söhbət zamanı siyasətçilər müdafiə sahəsində gələcək əməkdaşlığı müzakirə edib, həmçinin bu il qələbəni yaxınlaşdırmaq üçün səyləri gücləndirmək barədə razılığa gəliblər. Artıq bunun üçün konkret həll yollarının olduğu bildirilir.
