Kənə və arılardan qorunmanın yolları xüsusilə piknik sahələrinə gedəcək minlərlə insan üçün maraq doğurur. Çünki bu həşəratlar sağlamlıq baxımından bir sıra problemlərin mənbəyidir. Bəs, kənə və arıdan qorunmanın yolları nədir?
Sherg.az xəbər verir ki, görüləcək bəzi tədbirlər “Kaş ki əvvəl biləydim” dedizdirə bilər. Bəs bunlar hansılardır?
Bildiyimiz kimi arı sancması nəticəsində dərimizdə qızartı və şişlik yaranır. Kənə hallarında isə daha ciddi sağlamlıq fəsadları mümkündür. Bu səbəbdən xüsusilə açıq hava və piknik sahələrinə getmək istəyənlər, kənə və arıdan narahat ola bilirlər. Bəs, bu iki təhlükədən qorunmaq üçün nə etmək lazımdır?
Kənə və arıdan qorunmaq üçün müxtəlif yollar mövcuddur. Bəziləri çox sadədir. Bu yollara keçməzdən əvvəl bilməlisiniz ki, arılar yemək qoxularını hiss edə bilirlər. Buna görə də yaxınlıqda ağzı açıq qida saxlamayın.
Sarımsaq üsulu
Sarımsaq qoxusu, arı və kənələri uzaqlaşdırmaqda təsirlidir. Bunun üçün sarımsaq doğranaraq bir neçə gün suda saxlanılır. Ortaya çıxan təbii aroma, adıçəkilən həşəratları uzaq tutmaq üçün olduqca faydalıdır.
Piknik zamanı necə geyinməli?
Piknik sahələrində olarkən şalvar balaqlarını corabın içində saxlamaq yaxşı fikirdir. Bununla yanaşı, qapalı geyimlər də sizi qoruyar. Beləcə kənələrin təması qarşısı alına bilər. Kənə, açıq rəngli geyimlərdə daha asan görünür. Bu səbəbdən piknikə gedərkən açıq rəngli geyimlər geyinməyiniz tövsiyə olunur.
Arı sancması bu gün olduğu kimi keçmişdə də insanları narahat edirdi. Bu səbəbdən bir çox insan arı sancmasından sonra nə etməli olduğunu araşdırır. İbn Sina da bu mövzu ilə bağlı bəzi tövsiyələr vermişdi.
İbn Sinanın arı sancmasına qarşı məsləhətləri
İbn Sina arı sancması baş verdikdə, mercanköşk, quru keşniş və soyuq içkilərin ağrını azaltmaq üçün istifadə edilə biləcəyini tövsiyə edirdi. Bundan əlavə, losyon olaraq ebegümeci (gülxətmi) suyu ilə reyhan (raihanu’l-hil) suyunu da məsləhət görmüşdü. Əlavə olaraq, arı sancan bölgəyə əncir, palçıq və sirkə sürtülməsini tövsiyə etmişdi.
Arı sancmasına qarşı digər üsul: Buz tətbiqi
Arı sancması baş verdikdə buz da faydalıdır. Bu üsulda parça və ya kağız dəsmalın içinə buz qoyulur və arı sancan bölgədə 15-20 dəqiqə saxlanılır. Bu üsul, ilk gün ərzində hər saatda bir neçə dəfə təkrarlana bilər.
VƏ XƏBƏRDARLIQ
İbn Sinanın arı sancmasına qarşı tövsiyələri və buz üsulu diqqətlə tətbiq olunmalıdır. Allergik təsir yarana biləcək və ya fərqli sağlamlıq problemləri olan şəxslərin mütləq həkim məsləhəti ilə hərəkət etmələri önəmlidir. Kənə halları isə ciddi sağlamlıq problemlərinə səbəb olur. Əgər kənə sancması baş verərsə, erkən diaqnoz və müdaxilə üçün mütləq həkimə müraciət edilməlidir.
