“Müəllim şagirdi heç bir halda döyə bilməz. Fiziki zorakılıq çıxış yolu deyil”
Məktəblərdə bütün otaqlara kamera yerləşdirmək lazımdır”
“Bu kimi problem yarandığı zaman direktor dərhal həmin kamera görüntüləri əsasında müdaxilə etməlidir”
Azərbaycanda məktəbin sinif otağında rəzalət yaşandığını əks etdirən növbəti görüntü yayılıb.
Baku.ws xəbər verir ki, videoda orta yaşlı müəllimin dərs zamanı şagirdlərə nəzarəti tamamilə itirdiyi görünür.
Müəllim nizam-intizama tabe olmayan uşaqlara qarşı ağır ifadələr səsləndirərək onlara qarşı şiddət də tətbiq edir. Amma bunun da bir xeyri olmur və sinifdəki xaos pik həddə çatır.
Biabırçı görüntülərin yayıldığı sözügedən videonu təqdim edirik:
Məsələ ilə bağlı “Sherg.az”a danışan təhsil üzrə ekspert Elçin Əfəndi bildirib ki , təhsil müəssisəsində belə bir halın baş verməsi təhsil adına yaraşmır:
“Texnologiya əsrində yaşayırıq. Məktəblərdə bütün otaqlara kamera yerləşdirmək lazımdır. Bu kimi problem yarandığı zaman direktor dərhal həmin kamera görüntüləri əsasında müdaxilə etməlidir. “Məktəblinin dostu” adlı lahiyələr həyata keçirilib, məktəblinin dostları var məktəblərdə. Belə bir məqamlarda məktəblinin dostunu göndərmək olar . Yəni bunun qarşısını almaq üçün müəyyən addımlar atmaq mümkündür. Görünən odur ki, hərkəs öz vəzifəsinə məhsulliyyətlə yanaşmır. Valideyn övladını düzgün tərbiyyə etmir.
Müəllimlər şagirdləri ələ ala bilmir. Məktəb rəhbərliyi istər təhsil alan, istər də təhsil verənlərə diqqət yetirmir. Üzərlərinə düşən vəzifələri onlara aşılamağı bacarmır. Burda əsas məsələ düzgün sistemin qurulmamasıdır. Biz bir məktəb üzərindən nümunə götürürük. Ancaq bir neçə məktəbdə bu kimi hallar hər gün baş verir. Bəzən auditoriyada müəllim tapılmır, şagirdlər səs-küy salırlar. Müəllimin başlıca vəzifəsi ondan ibarətdir ki, auditoriyaya daxil olduğu andan etibarən şagirdləri ələ alsın. Şagirdlər orda artıq davranışlara yol verməsinlər”.
Ekspertin sözlərinə görə, sözügedən videodan aydın görünür ki, müəllimin nüfuzu itib, sinfi idarə etmək iqtidarında deyil:
“Eyni zamanda dərsin gedişatı maraqlı olmadığı üçün şagirdlər belə davranışlar sərgiləyirlər.Məktəblərdə nizam-intizam şöbələri daxili qərar əsasında formalaşdırılmalıdır. Məsələ onda ibarətdir ki, məktəb rəhbərliyi, sinif rəhbərliyi bu mövzuya diqqətlə yanaşmır.Müəllim şagirdi heç bir halda döyə bilməz.
Fiziki zorakılıq çıxış yolu deyil. Adiyyəti qurumlar bununla bağlı müəyyən addımlar atmalıdırlar. Təhsil cəmiyyətin əsas aparıcı istiqamətidir”.
Şərqiyyə NƏBİ
