Qəzzada iki illik müharibədən sonra atəşkəs və müharibənin dayandırılması üçün razılıq əldə olunub.
APA xəbər verir ki, bu barədə Misir Prezidenti Əbdülfəttah əs-Sisi X-də yazıb.
Sisi ABŞ prezidenti Donald Trampın planına uyğun olaraq, atəşkəsin həyata keçirilməsi və Qəzzada 2 illik iztirabdan sonra müharibənin dayandırılması üçün əldə edilən razılaşmanın əldə edildiyini bildirib.
“Dünya sülh iradəsinin müharibə məntiqi üzərində qələbəsini təcəssüm etdirən tarixi bir məqamın şahidi olur”, - o qeyd edib.
Qeyd edək ki, ötən gecə HAMAS-la İsrail arasında atəşkəs əldə olunub.
Atəşkəs razılaşmasına əsasən, İsrail qoşunlarının çıxarılmasını, anklava humanitar yardımın daşınmasını və israilli girovların fələstinli məhbuslarla dəyişdirilməsini nəzərdə tutur.
