Fevralın 9-da keçirilən növbədənkənar parlament seçkilərindən sonra Mərkəzi Seçki Komissiyasının (MSK) açıqladığı ilkin nəticələrə görə, öndə olan namizədlər arasında gənclərin sayının çox olması diqqət çəkən məqamdır.
Qafqazinfo-nun verdiyi xəbərə görə, bu dəfə parlamentin ən gənc deputatı 26 yaşlı Səbinə Xasayevadır.
Digər gənc namizədlərin siyahısını təqdim edirik:
7 saylı Ordubad-Culfa seçki dairəsindən Cəbi Quliyev (YAP) – 30 yaş
24 saylı Nizami seçki dairəsindən Könül Nurullayeva - 35 yaş
29 saylı Səbail seçki dairəsindən Nigar Arpadarai - 38 yaş
39 saylı Kəpəz birinci seçki dairəsindən Müşfiq Cəfərov (YAP) – 39 yaş
43 saylı Sumqayıt üçüncü seçki dairəsindən Emin Hacıyev (YAP) – 38 yaş
57 saylı Kürdəmir seçki dairəsindən Əminə Ağazadə - 40 yaş
59 saylı Salyan seçki dairəsindən Jalə Əhmədova – 39 yaş
63 saylı Sabirabad birinci seçki dairəsindən Kamal Cəfərov – 31 yaş
66 saylı Biləsuvar seçki dairəsindən Bəhruz Məhərrəmov - 37 yaş
81 saylı Beyləqan seçki dairəsindən Şahin İsmayılov (YAP) – 34 yaş
96 saylı Goranboy-Naftalan dairəsindən Anar Məmmədov (YAP) – 36 yaş
99 saylı Şəmkir kənd seçki dairəsindən Nurlan Həsənov (YAP) – 32 yaş
122 saylı Xankəndi seçki dairəsindən Tural Gəncəliyev – 40 yaş
Yuxarıda qeyd edilən gənc namizədlərdən qarşısında partiya mənsubiyyəti qeyd edilməyənlər bitərəf olanlardır. Bu siyahı MSK tərəfindən nəticələri açıqlanan 118 dairə üzrə hazırlanıb.
Hazırda yeddi dairənin nəticələri açıqlanmayıb. 2015-ci il parlament seçkilərində isə Şahin İsmayılov 29 yaşda deputat seçilməsi ilə ən gənc millət vəkili statusunu əldə etmişdi.
