“Dünən İdlibdə yeddi əsgərimiz və bir mülki şəxsimiz şəhid oldu. Bu, İdlib razılaşmasının açıq şəkildə pozulmasıdır”.
“Hürriyyet” xəbər verir ki, bunu Türkiyə Prezidenti Rəcəb Tayyib Ərdoğan deyib.
“Rejim üçün bunun, əlbəttə ki, nəticələri olacaq. Dünən dərhal qarşılıq verdik və “bundan sonra nə lazımdırsa ediləcək” dedik. Atdığımız addımlardan sonra isə orada 76 nəfər rejim mənsubu zərərsizləşdirilib.
Bunların böyük hissəsi ölüb, müəyyən hissəsi isə yaralı vəziyyətdədir”, - deyə Ərdoğan bildirib.
