101 saylı Göygöl-Daşkəsən seçki dairəsində deputatlığa namizədin vəkilinin ölməsi ilə bağlı hələlik konkret fikir bildirmək çətindir.
Bunu jurnalistərə açıqlamasında Mərkəzi Seçki Komissiyasının (MSK) sədr müavini Rövzət Qasımov deyib.
O, bütün bu məsələlərin araşdırılacağını bildirib.
Sədr müavini onu da qeyd edib ki, ümumilikdə seçki prosesi rəvan, qanunvericiliyin tələblərinə uyğun şəkildə keçib:
“Ancaq milyonlarla insanın cəlb olunduğu prosesi neqativ hallar olmadan təsəvvür etmək mümkün deyil. Ən vacibi hər hansı neqativ halın baş verib-verməməsi deyil, xoşagəlməz hal olan zaman ona adekvat cavab reaksiyası göstərilməsi, müvafiq tədbir görülməsidir. MSK da bu addımları atacaq”.
