“Azərbaycan Dövlətinin ərazi bütovlüyü və suverenliyinin qorunması, Dağlıq Qarabağ probleminin həll olunması istiqamətlərinə dəstək olacam. Ölkənin siyasi sabitliyi, iqtisadi yüksəlişi və sosial ədalətin qorunması üçün çalışacam. Müzakirəsində iştirak edəcəyim hər bir qanunda yalnız və yalnız insan amilinin önə çəkilməsinə, hər bir qanunda onların şəraitlərinin daha da yaxşılaşdırılmasına xidmət edəcəm”.
Bu sözləri 52 saylı Quba Seçki Dairəsindən deputatlığa namizəd Lalə Teymur qızı Məmmədova seçki platformasında qeyd edib.
L.Məmmədova bildirir ki, deputat seçiləcəyi təqdirdə təhsil işçisi olaraq, müəllimlərin sosial qayğılarının aradan qaldırılması üçün bir neçə layihə təklifi ilə çıxış edəcək:
“Quba rayonunda yeni iş yerlərinin açılması , əhali( xüsusilə gənclər) arasında işsizliyin aradan qaldırılması üçün səylə çalışacam. Rayonda kənd təsərrüfatının və kiçik özəl təsərrüfatların inkişafı üçün Milli Məclisə layihələr təqdim edəcəm və bunun reallaşması üçün çalışacam. Quba rayonundakı aztəminatlı ailələrin sosial vəziyyətinin yaxşılaşdırılması yolunda işlər görəcəm. Qubanın şimal bölgəsinin mərkəzi rayonu olması istiqamətində layihəli təqdimatlar verməyə çalışacam. Dövlət başçısının turizmin inkişafı proqramı əsasında Qubanın turizm mərkəzinə çevrilməsinə, bu istiqamətdə turizmlə məşqul ola biləcək kiçik və orta sahibkarlara daha peşəkar və keyfiyyətli xidmət göstərmələri üçün dövlət dəstəyinin verilməsinə köməklik göstərəcəm. Rayonun bütün kəndlərin içməli su və qaz ilə təmin olunması məsələlərini tam həll olana qədər gündəmdə saxlayacam. Kənd yollarının yenidən qurulması və kəndlərin sosial-mədəni inkişafına dəstək olacam.Gənclərdə kitaba elmə ,yaradıcılığa həvəs yaradılması istiqmətində rayon və kənd kitabxanaları yenilənməsinə və bərpa olunmasına çalışacam”.
Qeyd edək ki, Milli Məclisə növbədənkənar seçkilər fevralın 9-da keçiriləcək. Hazırda namizədlər təşviqat kampaniyasını aparırlar. Təşviqat kampaniyası fevralın 8-I saat 8-ə kimi davam edəcək.
