“ABŞ Nümayəndələr Palatasının erməni lobbisnin təhriki ilə qəbul etdiyi layihə Vaşinqtonun strateji maraqlarına qarşıdır”.
Bu barədə “Sherg.az”a açıqlamasında politoloq Məhəmməd Əsədullazadə deyib.
Ekspert bildirib ki, ABŞ Nümayəndələr Palatası erməni və yunan lobbisinin təhriki ili Azərbaycan və Türkiyə əleyhinə layihə qəbul edib:
“2023-cü il Maliyyə ili üçün Mlli Müdafiə Aktına dəyişikliklər edilib. Bu dəyişikliklər birbaşa ABŞ-ın Cənubi Qafqazda Ermənistanla Azərbaycan arasında sülh təşəbbüslərinə və Türkiyə ilə Yunanıstan arasında gərginliyin yaranmasına xidmət edir. Layihəni qəbul etməklə Nümayəndələr Palatası ABŞ prezidenti Co Baydenin Türkiyəyə F-16 qırıcılarının verilməsi ilə bağlı təşəbbüsünü və Ankara ilə normallaşan əlaqələrini sual altına qoyur. Həmçinin, bu məsələ ABŞ-Azərbaycan əlaqələrinə, siyasi-iqtisadi, enerji və təhlükəsizlik sahsəsində əməkdaşlığa zərbə vurur. Erməni və yunan lobbisinin təsiri ilə qəbul olunan layihə Rusiyanın maraqlarına xidmət edir. Bu layihə ABŞ-ın xarici siyasətinə ziddir. Nümayəndələr Palatası Pentaqon, Dövlət departamaneti və Ağ Evin regionla yenidən qurduğu əlaqələrin qarşısını alır”.
Analitikə görə, ABŞ prezidentinin Azərbaycan və Türkiyə ilə strateji yaxınlaşmanı təhdid edən bu layihəyə veto qoymaq hüququ var:
“Ağ Evin bu qanun layihəsinə veto qoyması mümkündür. Əks təqdirdə ABŞ-ın xarici siyasətində regionla bağlı ciddi problemlər yaranacaq. Türkiyə Finlandiya və İsveçin NATO üzvülüyünə ona görə razılıq verdi ki, bir çox məsələlərdə, xüsusilə F-16 qırıcıları ilə bağlı Co Baydenlə Ərdoğan arasında razılıq əldə edildi”.
