ABŞ-ın “Xəzər Siyasət Mərkəzi”nin nümayəndə heyətinin Ermənistanın işğalından azad edilən Ağdam şəhərinə səfəri davam edir.
“Report” xəbər verir ki, nümayəndə heyəti Ağdamda Pənahəli xanın sarayına və tarixi Şahbulaq qalasında olublar.
Qonaqlar Pənahəli xanın sarayının həyətində olan və ermənilər tərəfindən dağıdılan qəbirlərə baxış keçiriblər. Burada mərkəzin təmsilçilərinə ermənilərin törətdikləri vandalizm aktları barədə məlumat verilib. Bildirilib ki, işğal dövründə ermənilər bu qədim tarixi abidədə donuz saxlayıblar.
Daha sonra Şahbulaq qalasında olan nümayəndə heyətinə qalanın tarixi barədə geniş məlumat verilib. Həmçinin Ağdam Tarix Diyarşünaslıq Mizeyindən gətirilən eksponatlar ziyarətçilərə nümayiş etdirilib.
