Sosioloq, professor Əhməd Qəşəmoğlunun təklif etdiyi "Ahəngyol" elmi dünya elm aləmində uğurla yayılır. Ölkəmizdə isə bu nəzəriyyəyə qarşı biganəlik var.
"Sherg.az"a açıqlamasında alim və həkimlərimizə xarici ölkələrdə kifayət qədər qiymət verildiyini vurğulayan sosioloq bu sahəninin bizdə ciddi problem olduğunu deyib. Professor diqqətə çatdırıb ki, Azərbaycanda elm adamlarının potensialından istifadə edilmir:
"Şəxsən mənim təqdim etdiyim "Ahəngyol” nəzəriyyəsi dünyanın bir çox ölkələrində yayılıb. 15 ölkədə təqdimatı keçirilib. Hazırda dünyada çox uğurla da yayılır. Amma Azərbaycanda bu nəzəriyyəyə yiyə duran yoxdur. Azərbaycan Milli Elmlər Akademiyasının (AMEA) üzvü olduğum halda rəhbərlik bu nəzəriyyəyə 100 manat xərcləmək istəmir. Halbuki AMEA-nın Rəyasət Heyətində də yüksək səviyyədə təqdimatı keçirilib. "Ahəngyol" elmi akademiklər tərəfindən rəğbətlə qarşılanıb.
"Ahəngyol” nəzəriyyəsi orta əsr İslam fəlsəfəsindən doğan bir fəlsəfədir və dünya üçün çox faydalı ola bilər. Mən çox istərdim ki, bu mənim nəzəriyyəm kimi yox, bir Azərbaycan elminin brendi olaraq dünyada tanınsın. Xarici ölkələrdə bu gün "Ahəngyol” nəzəriyyəsinə daha böyük maraq var, bizdə isə elə də önəm vermirlər”.
Ə.Qəşəmoğlunun fikrincə bu nəzəriyyənin əsas ideyası odur ki, bütün kainat milyard illərdi ahəng prinsipi ilə mövcuddur və fəaliyyətdədirsə, kainatın istənilən bir hissəsi, o cümlədən də yer üzü, insan o zaman düzgün fəaliyyətdədir ki, o, ahəng prinsipləri ilə fəaliyyətdədir. Ona görə də, cəmiyyətdə xaos yaradanda bilməliyik ki, bu işlərlə ölkəyə daha çox fayda veririk, yoxsa ölkəyə marağı olan xarici qüvvələrə... Bu gün "Ahəngyol” elmi bizim daha çox tərəqqi etməyimizə kömək edə bilər.
"Ahəngyol" elmini 1990-cı illərdə tamamladığını vurğulayan sosioloq un sözlərinə görə, "Ahəngyol" elmi Şərq və Qərb fəlsəfəsinin bir-birini tamamlayaraq tədqiqata cəlb olunması, dini kitabların fəlsəfi yöndən öyrənilməsi və sistemli yanaşma metodlarından dərindən istifadə əsasında yaradılıb:
"Bu elm dünyanın bir sıra nüfuzlu alimlərinin diqqətini cəlb edib, onların müzakirə obyektinə çevrilib.
Kaliforniyadakı Berkli Universitetinin professoru Lütfi Zadə "Ahəngyol" elmini 2011-ci ildə dünyanın aparıcı alimləri arasında müzakirəyə təqdim edib. "Lütfi Zadə bu elmi dünyanın aparıcı alimlərinin dəyərli elmi ideyaları müzakirə etdiyi "BİSC" saytında müzakirəyə çıxarıb. Bu xüsusi sayt müasir elmin zirvələrindən biri sayılır və "Ahəngyol"un burada müzakirəyə çıxarılması həm Azərbaycan elminin, həm də ümumilikdə fəlsəfə, sosiologiya elminin uğurudur.
Nəzəriyyə BİSC saytına yerləşdiriləndən sonra elm aləmi ahəngyolla yaxından maraqlanmağa başlayıb.
Şəymən
