"PKK öz çirkin niyyətlərini həyata keçirmək üçün ən əlverişli ərazi kimi Ermənistanı görür”
Bunu "Sherg.az”a açıqlamasında politoloq Azər Rəşidoğlu deyib.
Analitik xatırladıb ki, bir müddət öncə Azərbaycanın işğal altında olan ərazilərində terrorçu PKK-nın 12 düşərgəsinin olduğu və orada 1750 terrorçunun təlim keçdiyi barədə məlumat yayılmışdı. Ekspertin sözlərinə görə, ümumiyyətlə, PKK-çıların Ermənistana keçməsi, yaxud ora toplaşması təsadüfi deyil. Çünki onlar Türkiyə və Azərbaycanın düşmənləridir:
"Bundan əlavə, Ermənistan PKK-nı terrorçu qruplaşma olaraq tanımır. Deməli, Rusiya tərəfindən himayə edilən PKK Türkiyə ilə yanaşı, perspektivdə Azərbaycan və İrana qarşı istifadə edilmək üçün Kremlin əlində vasitə ola bilər. İş o yerə çatıb ki, Rusiyada PYD-nin nümayəndəliyi də açılıb. 2016-cı ilin aprel döyüşlərində həmin terrorçular Kandil dağı və Kamışlıdakı düşərgələrindən çıxaraq Ağrı dağı ərazisindən Ermənistana keçmişdilər.
Terrorçular Göyçə gölü ətrafındakı PKK üçün ayrılan "Vardenis düşərgəsi"ndə yerləşdirilmişdilər. Azərbaycan-Ermənistan qoşunlarının təmas xəttinə göndərilən terrorçular arasında PYD sıralarında savaşan 150 erməni də var idi. Qarabağda vəziyyət gərginləşdiyindən terrorçular da Azərbaycanın işğal altında olan bölgələrinə göndərilmişdilər. Yəni aprel döyüşlərində PKK-çılar ermənilər tərəfdən döyüşlərdə iştirak ediblər. Həmin tarixdə İran KİV-ləri də PKK-Ermənistan əməkdaşlığına dair faktlar ortaya qoymuşdu. İndi isə onların Türkiyədən qaçaraq Ermənistana toplaşması Dağlıq Qarabağda da yeni hadisələrin baş verəcəyi ehtimalını irəli sürməyə əsas verir”.
Siyasi şərhçi bildirib ki, PKK-çılar Türkiyənin diqqətinin Afrin də daxil omaqla Suriyada keçirdiyi antiterror əməliyyatlarından yayındırmaq üçün Azərbaycana qarşı aksiyalar keçirə bilərlər:
"Bundan başqa, ermənilərlə PKK-çıların strategiyası oxşardır. Hər ikisi Qara dənizə və Aralıq dənizinə çıxış əldə etmək niyyətindədir. Odur ki, Türkiyə və Azərbaycana qarşı düşmənçilik, oxşar hədəflər bu qüvvələrin birgə çıxış etməsinə əsas verir. PKK ermənilərlə birləşib Türkiyə və Azərbaycana qarşı fəaliyyət göstərir. ABŞ terrorçu PKK qruplaşmasının Suriyadakı qollarını silah-sursatla təchiz edir.
Rəsmi Ankaranın etirazından sonra Vaşinqton "Suriya Demokratik Qüvvələri” ilə birlikdə fəaliyyət göstərdiyini dəfələrlə bildirib. 1993-cü ildə ABŞ, Almaniya, Kanada, Avstraliya, Yeni Zellandiya və Britaniya Türkiyənin istəyi əsasında PKK-nı terrorçu qruplar siyahısına daxil edib.
Qeyd edək ki, qondarma erməni "soyqırımı”nın qeyd olunduğu 24 aprel tarixində Suriyada terrorçu YPG-yə bağlı 200 nəfərlik erməni taboru yaradılıb. Terrorçuların qərargah kimi istifadə etdikləri otaqda divardan Ermənistan bayrağı asılıb. Həmçinin, erməni terrorçuların, ASALA, "Daşnaksütyun”, "Hınçak” rəhbərlərinin və PKK başçısı Abdullah Öcalanın fotoları da divarlara vurulub.
İsmayıl
