"Bakı-Sumqayıt yolunu elə təmir etməli idilər ki, maşınların hərəkət istiqamətində, əhalinin vəziyyətində heç bir problem olmasın”
Bu barədə "Sherg.az”a Bakı-Sumqayıt yolundakı çətin vəziyyətlə bağlı danışarkən nəqliyyat üzrə ekspert Fərhad Eyyubov bildirib.
Onun sözlərinə görə, yolların təmiri zamanı bu sahəni icra edənlər işlərindən qabaq əhalini fikirləşməlidirlər:
"Bəzi yollar var ki, onların yenidən çəkilməsi zamanı funksiyalarını yerinə yetirə biləcək alternativ yollar olur. Bu zaman həmin ərazidə problemlər belə qabarıq forma halını alır. Amma Baki-Sumqayıt yolunu əvəzləyəcək başqa bir yol yoxdur. Bu cür yollara texniki qulluq zamanı elə etməlidirlər ki, insanlar əziyyət çəkməsin. Belə yolları təmirə planlı şəkildə bağlamalıdırlar. Yolları gündüz deyil, temteraturun 25 dərəcə olduğu zaman təmir etmək daha sərfəlidir. Çünki həmin vaxt asfaltın quruma intensivliyi daha yaxşı olur. Bu zaman çəkilən yollar keyfiyyətli hesab edilir.Yəqin ki, bu sahədə işçi azlığından, bunun tətbiq edə bilmədiklərindən və ya işlərinin rahat olması üçün yolları gündüz vaxtı təmir edirlər. Bakı- Sumqayıt yolu paytaxtın şah damarıdır. Bu yolu belə saxlamaq olmaz. Onlar bu istiqamətdə gedən qatarlar insanların çətinliklərinin aradan qalxacağını düşünürlər. Amma bəzi sakinlərin avtomobilləri olduğu üçün, bəzilərinin qatar yolu ilə gedə bilmədiyi üçün onların vəziyyətləri ağır olaraq qalır. Bu yolu hissə-hissə, mərhələli şəkildə, gecə saatlarında təmir etməli idilər. Yəqin ki, onlar belə nöqsanları gələcəkdə aradan qaldıracalar”.
Qeyd edək ki, 3-gündür ki, Bakı-Sumqayıt yolunda təmir işlərinə görə, ciddi tıxac yaranır. Bu hal həmin iatiqamətdə hərəkət edən vətəndaşların narazılıqlarına səbəb olub.
Kənan Eynuroğlu
