“Bitcoin” kriptovalyutaların dövriyyəsi ilə bağlı problemlərin ola bilməsi barədə Çindən gələn xəbərlərdən sonra sutka ərzində 14% ucuzlaşıb və 39 min dollara düşüb.
Ticarət həcmi baxımından ən böyük kriptovalyuta birjası olan “Binance”ın məlumatına görə, səhər saatlarında onun dəyəri 13.7% ucuzlaşaraq 39,26 min dollar olub.
20-dən çox mübadilə üçün ortalama qiyməti hesablayan “CoinMarketCap” portalına görə, “Bitcoin” 39,28 min dollara qədər ucuzlaşacaq.
Daha əvvəl Çinin mərkəzi bankı kriptovalyutaların ödəniş üçün istifadə edilə bilməyəcəyini bildirmişdi.
“Bitcoin” 14 aprel tarixində ən yüksək səviyyəni bir daha yeniləyərək 64,854 dollar təşkil edib. Beləliklə, “Bitcoin” bu rekordla müqayisədə dəyərini demək olar ki, 38% itirib.
