"Dövlət başçısı İlham Əliyevin Brüssel səfəri olduqca məhsuldar keçdi. Ümumiyyətlə, bu cür görüşlər müxtəlif aspektlərdən mühüm əhəmiyyət kəsb edir”.
Bunu "Sherg.az”a açıqlamasında "Atlas” Araşdırmalar Mərkəzinin eksperti Zeynal Əmralıyev deyib.
Analitik bildirib ki, Dağlıq Qarabağ münaqişəsinin beynəlxalq müstəviyə daşınması üçün, belə təmaslar çox faydalıdır:
"Bilirsiz ki, Azərbaycan Avropa İttifaqı ilə adekvat şərtlərlə Şərq Tərəfdaşlığı sazişini imzalamaq istəyir. Çünki sözügedən saziş ölkəmizin Qərbə inteqrasiyası yolunda mühüm amildir. Həmçinin, Azərbaycanın haqq səsininin dünya miqyasına çatdırılmasında müstəsna əhəmiyyətə malikdir.
Məhz məsələnin bu tərəfi müəyyən qərəzli qüvvələri ciddi narahat edir. Məlumdur ki, bir çox məkirli dairələr Azərbaycanın Qərbə inteqrasiya olunmasını həzm edə bilmirlər. Bu cür ittihamlar yersizdir. Bakı-Brüssel arasında sıx münasibətlərin qurulması Azərbaycan üçün böyük perspektivlər yaradır”.
Siyasi şərhçinin sözlərinə görə, Azərbaycan bütün maneələrə baxmayaraq, heç vaxt qaranlıqda qalmayacaq və daim irəliyə, aydınlığa doğru gedəcək:
"Dövlət başçısı İlham Əliyevin rəhbərliyi və uğurlu xarici siyasəti sayəsində önümüzdəki kiçik maneələr də aradan qaldırılacaq. Buna hər kəs əmin ola bilər”.
İsmayıl
