Milli Məclisin deputatı, Azərbaycanın Avropa Şurası Parlament Asambleyasındakı (AŞPA) nümayəndə heyətinin üzvü Çingiz Qənizadə AŞPA-nın Hüquq və insan haqları komitəsinə üzv seçilib.
"Sherg.az"ın Modern.az-a istinadən xəbərinə görə, bu barədə AŞPA-nın rəsmi saytında məlumat verilir.
Qeyd edək ki, Azərbaycanın AŞPA-dakı daimi nümayəndə heyəti qurumun yay sessiyasında iştirak etmək üçün iyunun 24-dən iyulun 1-dək Strasburqda səfərdə olacaq.
Nümayəndə heyətinə Milli Məclisin Mədəniyyət komitəsinin sədri Rafael Hüseynov, deputatlardan Sevinc Fətəliyeva, Qənirə Paşayeva, Ülviyyə Ağayeva, Asim Mollazadə, Çingiz Qənizadə, Elşad Həsənov, Naqif Həmzəyev daxildir.
