"Rusiya XİN rəhbəri Sergey Lavrovun açıqlamaları Dağlıq Qarabağ probleminin məsuliyyətini üzərindən atmaqdan başqa bir şey ifadə etmir”.
Bunu "Sherg.az”a S.Lavrovun "Dağlıq Qarabağ münaqişəsinin nizamlanması üzrə danışıqlarda irəliləyişə nail olmaq üçün tərəflər, 2011-ci il tarixli Kazan sammitindəki razılaşmalara əsaslanaraq, biri-birinə inamsızlıqdan imtina etməlidirlər” təklifinə münasibət bildirərkən millət vəkili Tahir Kərimli deyib. O vurğulayıb ki, problemin kökündə münaqişə tərəflərinin bir-birinə inamsızlığı dayanmır:
"Dağlıq Qarabağ münaqişəsinin indiyə qədər həll olunmamasının səbəbi işğalçının öz niyyətindən əl çəkməməsidir. Ermənistan Qarabağı Azərbaycana qaytarmaq istəmir. Azərbaycan isə öz əbədi və əzəli torpaqlarında qondarma qurumun yaradılması ilə qətiyyən qəbul etmir.
Rusiya həqiqətən həmsədrlik etmək fikrindədirsə, münaqişəni həll etmək istəyirsə, işğalçını adı ilə çağırmalıdır. İşğalçı və işğala məruz qalan dövlətə həmsədr ölkə eyni səviyyədə qiymət verməməlidir. Halbuki Rusiyanın XİN rəhbəri erməni əsilli olduğuna görə, öz xislətini hər yerdə göstərir. Rusiya həmişə Ermənistanın tərəfində olduğuna görə, Minsk qrupunun da həmsədri oldu. Digər həmsədr ölkələrin də, Azərbaycana rəğbəti olmadığına görə, həmsədrliyə can atdılar. Minsk qrupunun həmsədrləri Azərbaycanın güzəştə getməsinə çalışır. Gücdən imtina məsələsi qabardılır, tələb irəli sürülür, halbuki güc tətbiq edən Ermənistana qarşı addım atılmır. Belə davam edərsə, aprel döyüşlərinin təkrarlanmasına ehtiyac olacaq”.
Aysel Aslan
