Ömür boyu hansısa xəstəliyə (ürək, əsəb, mədə vəs. ) tutulmayan insan tapmaq mümkündür. Lakin dişi ağrımamış və ya stomatoloqa üz tutmamış insanla rastlaşmaq, nadir hadisə sayıla bilər.
Dişlərin gündəlik yuyulması, şirniyyatdan mümkün qədər uzaq durmaq o qədər də effekt vermir. Ümumiyyətlə, dişlər barədə çox az məlumatımız var.
Dişlər niyə xarab olur?
Dişlərin çürüməsinin mikrob və şəkər amilindən daha ciddi səbəbləri var. Onun kökü çox dərinlərə - uşağın dişlərinin formalaşmağa və inkişaf etməyə başladığı ana bətnindəki dövrə gedib çıxır.
Əgər ana hamiləlik dövründə və körpəyə süd verən zamanda, həmçinin uşaq ana südündən ayrıldıqdan sonra zəruri maddələrlə zəngin olan qida ilə qidalanmırsa, dişin hər hansı üsulla təmizlənməsinin və ya ploblanmasının heç bir xeyri yoxdur.
Elə buna görə, uşağın dişləri çıxmağa başlayan kimi çürüyür (xırda əyri-üyrü, oyuq və s. olur). Ananın özü də hamiləlik vaxtı düzgün qidalanmadığından bir çox dişləri ilə vidalaşmalı olur. Heyvanlarda isə belə hallar heç zaman qeydə alınmır.
Dişlər bərpa oluna bilir
Kifayət qədər süd-qatıq məhsulları, portağal şirəsi və göyərti qəbul edəndə bir sıra hallarda dişlərimizin çürüməsinin qarşısını almaq olur.
Dişlərin korlanması orqanizmdə maddələr mübadiləsinin pozulmasının birbaşa nəticəsidir. Amma bu həmişə pəhrizlə bağlı olmur, lakin istənilən halda pozğunluğa gətirib çıxaran bu xəstəliyi müalicə etməklə lazımdır ki, dişləri qorumaq mümkün olsun.
Aysel Aslan
