Amerikada Respublikaçı Partiyanın prezidentliyə namizədi Donald Tramp, Nevada əyalətindəki seçki mitinqində gizli xidmət agentləri tərəfindən təhlükəsizlik səbəbiylə kürsüdən uzaqlaşdırılıb.
Türkiyə mediası xəbər verir ki, Prezident seçkisinə iki gün qalmış kampaniyalarını davam etdirən prezidentliyə namizədlər Hillari Klinton və Tramp, qərarsız seçiciləri razı salmaq üçün "yelləncək" (seçkilərdə Demokratlar ilə Respublikaçılar arasında gedib gələn) əyalətlərə yönəldilər.
Nevada əyalətinin Reno şəhərində son mitinqlərindən birini təşkil edən Tramp, nitqinə başladıqdan qısa müddət sonra təhlükəsizlik səbəbiylə səhnədən ayrılmaq məcburiyyətində qalıb.
Trampı qorumaqda vəzifəli olan iki gizli xidmət agenti, mitinqdə kürsünün yaxınlığında səbəbi məlum olmayan qalmaqal yaşanmasından sonra prezidentliyə namizədin qolundan tutaraq, sürətlə kürsüdən uzaqlaşdırıblar.
Polis kütlənin içindəki adamı mitinq sahəsindən uzaqlaşdırdıqdan sonra Tramp, yenidən səhnəyə dönüb.
"Bu işin asan olmayacağını söyləmişdik, amma kimsə bizi dayandıra bilməyəcək." deyən Tramp, gizli xidmət agentlərinə təşəkkürlərini çatdırıb.
