Rusiya-Türkiyə-Azərbaycan parlamentlərarası əlaqələr qrupunun yaradılması Qarabağ münaqişəsinin həllində heç bir rol oynamayacaq.
Bunu Sherg.az-a Rusiya- Türkiyə-Azərbaycan parlamentlərarası dostluq qrupunun yaradılmasının nəticələrindən danışarkən "Yeni Nəsil” Jurnalistlər Birliyinin sədri, tanınmış jurnalist Arif Əliyev deyib.
Onun sözlərinə görə, bu dostluq qrupunun yaradılmasının hər hansı bir ziyanı da olmayacaq:
"Bu addım indiki mərhələdə ziddiyyətlərin azaldılmasına cəhd kimi göstərilir. Lakin dostluq qrupları arasında problemin həllinə nail olmaq mümkün deyil. Kiçik dairələr arasında əlaqələrin tənzimlənməsinə xidmət edəcək. Münaqişənin həllinə müsbət təsir edəcəyini düşünmürəm”.
Qeyd edək ki, Rusiya Dövlət Dumasının deputatı, Rusiya-Azərbaycan Parlamentlərarası Dostluq Qrupunun rəhbəri Dmitri Savelyev Rusiya-Türkiyə-Azərbaycan parlamentlərarası əlaqələr qrupunun yaradılmasının gündəmdə olduğunu bildirib.
Aysel Aslan
