"Azərbaycan hökumətinin təşəbbüsü ilə icra olunan Trans Anadolu Qaz Boru Kəməri (TANAP) layihəsi regional və strateji əhəmiyyətlidir, Avropa ölkələrinə, o cümlədən İtaliyaya fayda gətirəcək".
Bunu "Report"a açıqlamasında ABŞ-dan olan politoloq, Viskonsin Market Universitetinin professoru Piter Teys deyib.
O, ABŞ-ın Rusiya, İran və Türkiyəyə qarşı tətbiq etdiyi sanksiyaların TAP-a mümkün təsirləri barədə də danışıb: "Rusiya və İrana qarşı sanksiyaların tətbiqi düzgün olsa da, Türkiyəyə qarşı eyni münasibət düzgün deyil. Bununla belə, bu ölkələrə qarşı sanskiyaların TAP-a təsiri olmayacaq. Sadəcə qaz kəmərinin bəzi hissələrinin inşası ləngiyə bilər. TAP-ın geosiyasi əhəmiyyəti artmaqdadır və rəsmi Vaşınqton bu layihəyə dəstək verir".
