" İnsanlar feysbukda çox diqqətli olmalıdırlar”.
Bu sözləri "Sherg.az”a bu gün feysbukda da yayılan virusların təhlükəsindən danışarkən Azərbaycan İnternet Forumunun prezidenti Osman Gündüz deyib.
Onun qənaətincə, bu, feysbuk üçün ənənəvi haldır:
"Bugünkü də ənənəvi viruslardan biridir. Hazırda müxtəlif metod və üsullarla analoji yoluxma halları yaşanır. İnsanlar arzulamadıqları, gözləmədikləri insanlardan gələn videolara, linklərə diqqətlə yanaşmalıdır. Bu problem uzun müddətdir mövcuddur. İnsanlar bilməlidir ki, belə videolar virusdan ibarətdir. Bunun üçün elementar təhlükəsizlik qaydalarına əməl etməlidirlər.
Onlar kompüter və "brauzer"lərini normal vəziyyətə gətirməlidirlər. Feysbukda istifadə olunan əlavə proqlamları nəzərdən keçirməlidirlər. "Brauzer"də bunlar təmizlənməlidir. Yəni istifadəçilər təhlükəsizlik qaydalarına əməl etməlidirlər. Bu cür problemləri varsa, onun öhdəsindən gələ bilmirlərsə, ölkəmizdə fəlaiyyət göstərən Elektron Təhlükəsizlik Mərkəzi adlı dövlət qurumuna müraciət edə bilərlər. Həmin qurumun işçiləri köməklik göstərə bilərlər və köməklik göstərmək onların vəzifə borcudur”.
Qeyd edək ki, bu gün feysbuk sosial şəbəsində istifadəçilərin ciddi narahatlığına səbəb olan virus yayılıb. Belə ki, bu viruslar video şəkilində gəlir və videonu açan kimi virus istifadəçinin bütün dostlarına göndərilir.
Kənan Eynuroğlu
