"Ermənistan müharibəyə hazırlaşa bilməz”.
Bu barədə "Sherg.az”a ermənilərin işğal olunmuş ərazilərdə hərbi təlimlər keçirməsindən danışarkən Şuşa Rayon İcra Hakimiyyətinin başçısı, Dağlıq Qarabağın Azərbaycanlı İcmasının rəhbəri Bayram Səfərov bildirib. Onun sözlərinə görə, Ermənistan Azərbaycan ordusunu tanıdığından bu riskə gedə bilməz:
"Erməni nə qədər müharibəyə hazırlaşsa da, sonunda Azərbaycan ordusu düşmənin dərsini verəcək. Son günlər keçirilən təlimlər isə onların sadəcə provokasiyalarıdır. Bu, həmişə olub, olacaq. Qıcıqlandırıcı bir məqam olan kimi, ermənilər hay-küy qaldırıb, belə əməllər törədirlər. Ya beynəlxalq təşkilatların qarşısında gözlərinin yaşını axıdırlar, ya da bu cür ucuz təxribatlara əl atırlar.
Azərbaycan bu təlimlərə müdaxilə edə bilməsə də, istədiyi vaxt Ali Baş Komandanın başçılığı ilə müharibəyə başlayıb, torpaqlarımızı azad edəcək”.
Qeyd edək ki, düşmən son vaxtlar işğal olunmuş ərazilərimizdə intensiv hərbi təlimlər həyata keçirir. Bir sıra ekspertlər və politoloqlar isə bunu Ermənistanın müharibəyə hazırlaşması kimi qiymətləndirir.
Aysel Aslan
