Şəkidə 11-ci sinif şagirdlərini avtomobil vurub.
ONA-nın şimal-qərb bürosunun məlumatına görə, hadisə ötən gün axşam saatlarında M.Ə.Rəsulzadə prospektində baş verib. Rayon sakini Çingiz Hümmətov idarə etdiyi "VAZ 21010” markalı, 55 BO 910 dövlət nömrə nişanlı minik avtomobili ilə yolu keçmək istəyən piyadalar, Şəki şəhər sakinləri- 2001-ci il təvəllüdlü Nazənin Rafiq qızı Musayeva, 2002-ci il təvəllüdlü Süsəngül Şəmsəddin qızı İslamova və 2002-ci il təvəllüdlü Türkən Tərlan qızı Məmmədovanı vurub. Yaralılar Şəki Rayon Mərkəzi Xəstəxanasına aparılıblar. 2 nəfərin xəsarəti yüngül olduğundan evə buraxılıb. N. Musayevanın xəstəxanada müalicəsi davam etdirilir. Hər 3 qızın 11 sinif şagirdi olduğu deyilir.
Faktla bağlı araşdırma aparılır.
