Gürcüstanda prezidentliyə namizədliyi qeydə alınmış iki siyasətçi namizədliyini geri götürüb.
"Report”un Gürcüstan bürosunun verdiyi xəbərə görə, həmin namizədlər "Ənənəviçilər birliyi”ndən Akaki Asatiani və "Xristian-demokratlar hərəkatı”ndan Vaxtanq Qabuniyadır.
Onlar namizədliklərini "Azad Gürcüstan” partiyasının prezidentliyə namizədi Kaxa Kukavanın xeyrinə geri götürüblər.
A.Asatiani və V.Qabuniya tərəfdarları və seçicilərini K.Kukavanı dəstəkləməyə çağırıblar.
Gürcüstanda prezident seçkiləri oktyabrın 28-də keçiriləcək. Yerli qanunvericiliyə görə, namizədliyin geri götürülməsi müddəti oktyabrın 16-da başa çatıb. Seçki bülletenlərində namizədlikləri qeydə alınmış 25 namizədin hamısının adı qeyd olunacaq.
Bundan əvvəl Gürcüstanda 200-dən çox seçki məntəqəsi üçün seçki bülletenlərinin Azərbaycan dilində çap olunacağı məlumat verilib.
