ABŞ dövlət katibi Con Kerrinin terror təşkilatı İŞİD haqqında söylədiyi fikirlərin səs qeydləri mətbuata sızdı.
İŞİD-in Suriyada böyüdüyünü bildiklərini etiraf edən Kerri, "Əsədin hədə altında olduğunu düşündük. İŞİD-in gücləndiyini gördük və izləyirdik" deyə danışıb.
Con Kerri 22 sentyabrda Nyu -Yorkda Suriyalı müxaliflər və bəzi qərbli diplomatlarla reallaşdırdığı təxminən 40 dəqiqəlik toplantının səs yazısı ortalığı qarışdırıb.
WikiLeaks tərəfindən sızdırılan yazıda Kerri, İŞİD-in yüksəlişini fərq etdiklərini, ancaq bunun Suriyada Əsəd rejimi üzərində təzyiq yaradacağını düşündükləri üçün müdaxilə etmədiklərini söyləyir.
Kerri, yığıncaqda bu ifadələrdən istifadə edib:
"Rusiya ortaya girdi, çünki İŞİD güclənirdi. İŞİD-in Şama yerimə ehtimalı hədələyici idi. Rusiya buna görə dövrəyə girdi. Çünki bir İŞİD hökuməti istəmirdilər və Əsədi dəstəklədilər. Və bunun (İŞİD-in ) böyüdüyünü bilirdik. İzləyirdik. Əsədi böyük ehtimalla müzakirə masasına oturda bilərik deyə düşündük. Amma Əsəd masaya oturmaq əvəzinə Putindən dəstək aldı."
