Bukinqam sarayı xalqın üzünə açıldı
İngiltərə kraliçası ikinci Elizabet tarixdə ilk dəfə olaraq Bukinqam sarayının xalqın üzünə açılmasına icazə verib.
Bukinqam sarayından verilən açıqlamada bildirilib ki, saray insanlar üçün bu yay açıq olacaq:
"Bu yay Bukinqam arayının həyəti ziyarətçilər üçün açıq olacaq. Sarayın çəmənlikləri üstündə piknik edə bilməniz üçün ömrünüzdə sadəcə bir dəfə rast gələcəyiniz fürsətdən yararlanın".
Qeyd edək ki, Bukinqam sarayı, 775 otaqdan ibarət 828 min kvadratmetrlik nəhəng tikilidir. Kral ailəsinin veb-saytından əldə edilən məlumata görə, sarayda müxtəlif tədbirlər üçün istifadə olunan 19 fərqli dövlət otağı var.
Sarayda ümumilikdə 240 yataq otağı var, bunlardan 52-si kral otaqları, 188-i isə işçilər üçün istifadə olunur. Sarayın bağını 156 metrlik sərhəd divarı qoruyur.
