Ağ Evdə iki dövrdür ölkəni idarə edən ABŞ prezidenti Barak Obama, 8 noyabrdakı prezident seçkilərinə qatıla bilməsi halında Respublikaçı Donald Tramp qarşısındakı şansına bağlı, "Bu il yarışa bilsəydim, seçkiləri qazana bilərdim." deyib.
"Milliyyət" xəbər verir ki, Obama vəzifəsinin sona çatmasına saylı günlər qalmış Amerikanın CNN kanalı üçün hazırlanan "Axe Files" adlı proqrama verdiyi müsahibədə, prezidentlik dövrünü və ABŞ-ın yeni başçısı seçilən Tramp qarşısındakı şansını dəyərləndirib.
Amerika xalqının siyasətlərinə dəstək verdiyini ifadə edən Barak Obama, seçkiləri qazanaraq 20 yanvarda prezidentlik kürsüsünə oturmağa haqq qazanan Donald Tramp qarşısında yarışma imkanı olması vəziyyətində sandıqdan qalib çıxa biləcəyini iddia edib.
Obama, "Bu viziondan əminəm, çünki əgər bir dəfə də namizəd ola bilsəydim, Amerika xalqının böyük qisimini bu vizion ətrafında birləşdirə bilərdim." deyə bildirib.
Keçmiş xarici işlər naziri Hillari Klintonun namizədliyini irəli sürmüş demokratların "Amerika xalqının böyük seqmentinin səsini kifayət qədər eşidə bilmədiyini" və bunun da seçkilərin respublikaçılara uduzmağa səbəb olduğunu bildirən Obama, xüsusilə iqtisadi gözləmələr mövzusunda Klintonun aşağı bir performans sərgilədiyinə eyham vurdu.
Klintonun qazanacağına "əmin olan" Amerika mediasının yanaşmasının da seçki nəticələrinə bilvasitə təsir etdiyini qeyd edən Obama, demokratların seçici ilə romantik bağ qura bilmədiyini vurğulayıb.
Prezidentlik dövrü ilə bağlı kitab işinə başlayacağını söyləyən Obama, ailəsiylə birlikdə paytaxt Vaşinqtonda yaşamağa davam edəcəklərini ifadə edib.
