"Fransanın "Opinion Way" şirkətinin sorğusu tamamilə reallığı əks etdirir”.
Bunu "Sherg.az”a açıqlamasında "İki Sahil” qəzetinin baş redaktoru Vüqar Rəhimzadə deyib.
Baş redaktor bildirib ki, xalqın yüksək etimadı Prezident İlham Əliyevin gördüyü çoxsaylı müsbət işlərə verilən qiymətdir:
"Dövlət başçısının ölkə vətəndaşlarına olan hərtərəfli və həssas münasibəti xalqın öz liderinə olan inamını artırır. Sorğu müxtəlif sahələri əhatə etməklə çox geniş hazırlanıb. Əminliklə demək lazımdır ki, bugün prezident seçkisi keçirilərsə, əhali yüksək səs çoxluğu ilə növbəti dəfə ölkə başçısı İlham Əliyevə səs verəcək. Çünki dövlət başçısının gördüyü işlər, yeritdiyi daxili və xarici siyasət, iqtisadi islahatları göz önündədir. Prezident xalq qarşısında verdiyi sözlərin hamısına əməl edir, vədlərini yerinə yetirir, əhalinin sosial vəziyyətini daim diqqət mərkəzində saxlayır”.
V.Rəhimzadənin sözlərinə görə, Azərbaycan iqtisadiyyatı bir il ərzində kifayət qədər uğurla inkişaf edib:
"Ölkənin siyasi həyatında böyük uğurlar əldə olunub. Sosial həyat şəraitimizin yaxşılaşmasında çoxsaylı qərarlar qəbul edilib. Əlbəttə, bunların hamısı insanların yaxşı yaşamasına yönəlmiş xidmətlərdir. Cənab Prezident davamlı və sistemli şəkildə bunları həyata keçirir. İnsanlarımız da qətiyyətli mövqelərini nümayiş etdirərək ölkə başçısının bir illiyini çox yüksək qiymətləndiriblər. Xalq cənab Prezidentə etimad edir və öz gələcəyini inandığı liderə bağlayır”.
Qeyd edək ki, ölkə başçısı İlham Əliyevin 1 illik prezident fəaliyyətini qiymətləndirmək üçün Fransanın "Opinion Way" şirkəti tərəfindən sorğu təşkil olunub. Şirkətin açıqladığı rəqəmlərə görə, respondentlərin 85 faizi ümumilikdə prezidentin fəaliyyətini müsbət dəyərləndirib. Respondentlərin 80,1 faizi ölkədəki mövcud ictimai-siyasi və sosial-iqtisadi sabitliyin qorunub saxlanılmasını Prezident İlham Əliyevin fəaliyyətinin ən uğurlu nəticəsi kimi qiymətləndirib. Sorğunun nəticəsində vurğulanıb ki, bugün seçki keçirilsə əhalinin 85 faizdən çoxu növbəti dəfə dövlət başçısı İlham Əliyevə etimad göstərəcək.
İsmayıl
