Bu gun Milli Məclisin növbədənkənar sonuncu iclası keçirilir. "Sherg.az"ın xəbərinə görə, toplantıda 2018-ci il dövlət büdcəsinə dəyişiklik müzakirə olunur.
İclasda maliyyə naziri Samir Şərifov bildirib ki, 2018-ci ilin dəqiqləşdirilmiş dövlət büdcəsinin gəlirləri 22,11 mlrd. manat, xərcləri isə 23,061 mlrd. manat məbləğində nəzərdə tutulur:
"Büdcənin gəlirlər hissəsi Ümumi Daxili Məhsulun (ÜDM) 29,6 faizzini təşkil etməklə 2018-ci ilin təsdiq edilmiş proqnozu ilə müqayisədə 1,983 milyard manat, 2017-ci ilin faktiki icra göstəricisi ilə müqayisədə isə 5 593,3 milyon manat çoxdur. Yenidən baxılma ilə dövlət büdcəsinin xərclərinin 2,014 milyard manat artırılması nəzərdə tutulur. Bu da təsdiq olunmuş proqnoza əsasən, 2017-ci ilin faktiki icra göstəricisi ilə müqayisədə 5 466,5 milyon manat çoxdur”.
Nazir qeyd edib ki, bu ilin beş ayında neftin orta qiyməti 71,1 dollar olub, hazırda 78 dollar çoxdur. 2018-ci ilin dəqiqləşdirilmiş dövlət büdcəsində nəzərdə tutulan əlavə xərclərin maliyyə təminatı üçün xam neftin 1 barrelinin satış qiymətinin təsdiq olunmuş proqnoza nisbətən 10 dollar artırılaraq 55 dollara çatdırılması nəzərdə tutulur.
Anar
