"Ermənistan rəhbərliyinin "Qarabağ klanı"na qarşı siyasi təqibi səngiməyib. Artıq sabiq prezident Serj Sarkisyan 1 mart hadisələrinə görə beş saat istintaqa ifadə verib”.
Bunu "Şərq”ə Sülh və Münaqişələrin Həlli Mərkəzinin rəhbəri cdeyib. Analitik bildirib ki, Sarkisyanın rəhbərlik etdiyi Respublikaçılar Partiyası da getdikcə zəifləyir və parçalanmaya məruz qalır:
"Hətta bəzi üzvlər partiya sıralarını tərk edərək baş nazir Nikol Paşinyana tərəf meyillənirlər. Sarkisyanın istintaqa dəvət olunmasını onun həbsinə hazırlıq kimi də dəyərləndirmək lazımdır. Rusiyanın əsas adamı və Ermənistanda Sarkisyandan da güclü füqur olan Koçaryan həbs edilirsə, niyə də Sarkisyan həbs edilməsin?! Paşinyan bu iki odioz fiquru sıradan çıxarmaqla, ölkəsində daxili təzyiqlərdən sığortalanmağı düşünür. Çünki yaxşı bilir ki, iki fiqurun zərərsizləşdirilməsindən sonra ona qarşı alternativ qüvvə qalmayacaq. İlk növbədə bu həbs və təqiblər Paşinyana Qərb tərəfindən verilən təlimatlar əsasında aparılacaq ki, bu da hakimiyyətin güclənməsinə hesablanıb”.
Politoloqun sözlərinə görə, Paşinyan hazırda güclü şəkildə Qarabağ danışıqlarında bu klanın təzyiqləri ilə üzləşir:
"Əgər "Qarabağ klanı”nı tam sıradan çıxarıb, daxili təzyiqləri neytrallaşdırsa, bu, ilk növbədə Moskvanın mövqeyini zəiflədəcək. Burada artıq Paşinyanın Qarabağ danışıqlarında daxili təzyiq formulu aradan qalxacaq. Hesab edirəm ki, Paşinyan il ərzində danışıqları maksimum yüksək səviyyədə aparacaq. Lakin burada hədəf nəticəyə deyil, sadəcə, cəbhədə atəşkəsi qorumağa hesablanacaq. Həmçinin, güzəştsiz mövqe ortaya qoymaqla daxili sabitliyi bir müddət qorumağa çalışacaq. Amma bu siyasət rəsmi Bakı tərəfindən ciddi şəkildə təzyiqlə qarşılaşa bilər. İl ərzində müsbət dəyişikliklər gözlənilsə də, müharibə variantı rəsmi Bakının masasındadır”.
İsmayıl
