22 iyun 2018-ci ildə UNEC Rus İqtisad Məktəbində(UNEC RESH) "Qloballaşma şəraitində iqtisadi təhsilin aktual problemləri(rus dilində iqtisadi təhsil)” mövzusunda Dəyirmi Masa keçirilib.
"Sherg.az"ın xəbərinə görə, tədbirin moderatoru UNEC RESH- in direktor müavini i.e.d., professor E.Məmmədov, məruzəçi UNEC RESH-in direktoru dosent M.Bərxudarov olmuşlar. Tədbirdə Rusiya Federasiyası "Rossotrudniçestvo”Federal Agentliyinin Azərbaycan nümayəndəliyinin sədr müavini A. Kalamin, diplomatik korpusun nümayəndələri, ekspertlər, alimlər iştirak etmişlər.
Dəyirmi Masa iştirakçıları rus dilində ali iqtisadi təhsilin təşkilinin ölkə iqtisadiyyatının inkişafına müsbət təsir göstərməsi, postsovet məkanının əmək bazarına adaptasiya baxımından bu seqmentdə təhsil almış məzunların rəqabət üstünlüklərinə malik olmaları, eləcədə rus dilində ali iqtisadi təhsilin keyfiyyətli elmi informasiya mübadiləsinə və təhsil xidmətləri bazarında ixrac imkanlarının artırılmasına səbəb olacağı barədə fikirlər bildirmişlər. Dəyirmi Masada həmçinin UNEC-in ölkə və regionun ali təhsil məkanının iqtisadi segmentinin aparıcı təhsil müəssisəsi kimi formalaşdığı və Rus İqtisad Məktəbinin(RESH) fəaliyyətinin bu prosesə təkan verməsi qeyd olunmuşdur.
