"Ermənistanda hakimiyyəti ələ keçirmiş "Qarabağ klanı”nın "xeyir-duası” ilə formalaşan qondarma "respublikanın parlament və hökumət” üzvləri Nikol Paşinyana qarşı sərt bəyanatlarla çıxış edirdilər. Dekabr ayında Paşinyan Bako Saakyana xəbərdarlıq edərək bildirdi ki, hökumət üzvlərinin əl-ayağını yığışdırsın”.
Bunu "Sherg.az”a açıqlamasında c deyib.
Ekspert bildirib ki, bütün bunlara baxmayaraq, tərəfləriin qarşıdurması daha da dərinləşməkdədir:
"Siyasi tərəflər arasında gərginlik Ermənistanda keçirilən seçki kampaniyası dövründən daha da gərgin xarakter alıb. Seçki marafonu zamanı "mənim addımım” fraksiyasının namizədi Sasuna Mikaelyanın "seçkidə qalib gəlmək Qarabağ cəbhəsinddə müvəffəqiyyətdən daha vacibdir” bəyanatı Bako Saakyanı tədbirlər görməyə vadar etdi. Bunun ardınca Saakyan öz tərəfdarlarını Paşinyana qarşı səfərbər etməyə başladı. İrəvanda acınacaqlı məğlubiyyətə uğrayan "Qarabağ kalnı” artıq Saakyana heç bir dəstək ola bilmir. Saakyan da çox gözəl anlayır ki, bu gedişlə yaxın zamanda "hakimiyyətini” itirəcək”.Analitik vurğulayıb ki, Sarkisyanın klan üzvü olan Saakyan korrupsiya rıçaqlarından mərhum olduğundan oksigensiz qalmış durumdadır: "Rüşvət, korrupsiya və oğurluq yolu ilə əldə etdikləri var-dövləti itirmək ərəfəsində olan Saakyan var qüvvəsi ilə Paşinyana dirənməyə çalışacaq. Bundan ötrü dəfələrlə Avropada yaşayan diaspora üzvlərinə və Rusiyaya emmisarlar göndərib. Saakyanın çıxılmaz və çarəsiz durumda olduğu açıq-aşkardır. Bu dəfə onu nə erməni diasporası, nə də Rusiya xilas edə biləcək. Bu qarşıdurmada Paşinyanın "qalib” çıxmaq şansı daha çoxdur”.
Qeyd edək ki, Qarabağ separatçılarının rəhbəri Bako Saakyan Ermənistanın yeni rəhbərliyinin əleyhinə daha bir addım atıb. Saakyan Xankəndidə Ermənistan parlamentinin sədri, Serj Sarkisyanın Respublikaçılar Partiyasının hakimiyyətdəki sonuncu ən yüksək vəzifəli nümayəndəsi olan Ara Babloyanı qəbul edib. Saakyan Babloyanla təkbətək və genişləndirilmiş tərkibdə görüş keçirib. Görüşlərdən sonra Saakyan bir müddət sonra spiker vəzifəsini itirəcək Babloyanı "Mesrop Maştots” ordeni ilə təltif edib.
İsmayıl
