Sabah – iyunun 26-da Azərbaycan Ordusunun yaranmasının 100 illik yubileyi qeyd olunacaq. Bununla əlaqədar paytaxt Bakıda möhtəşəm hərbi parad keçiriləcək. Buna rəğmən tədbirin nə zaman başlayacağı və sakinlərin paradı haradan, necə izləyəcəyi ilə bağlı mətbuatda heç bir məlumat yoxdur. Bu mötəbər paradı izləmək istəyən paytaxt sakinləri yuxarıdakı suallara cavab axtarırlar.
Biz də "Sherg.az" olaraq həmin suallara cavab tapmaq məqsədilə Müdafiə Nazirliyi Mətbuat Xidmətinin rəisi, polkovnik Vaqif Dərgahlı ilə əlaqə saxladıq.
O bu məsələ barədə qurumun məlumatlandırılmadığını diqqətə çatdırdı:
"Hərbi parad prezident İlham Əliyevin tapşırığına uyğun müvafiq protokol ilə razılaşdırılır. Ona görə, bu kimi məsələlərə də icraçı strukturlar nəzarət edirlər. Bununla bağlı Müdafiə Nazirliyinin heç bir məlumatı yoxdur”.
Qeyd edək ki, sabahkı paradın aparıcısı Əməkdar incəsənət xadimi, Prezidentin fərdi təqaüdçüsü, polkovnik Abdulla Qurbani olacaq.
Aysel Aslan
