Antaliyada qadın cildinə girərək, ögey qızını izləyən şəxs nəzarətə alınıb. Məlumata görə, hadisə bir parkda baş verib.
Sherg.az türk mediasına istinadən xəbər verir ki, parkdan keçən vətəndaşlar qadın paltarlarında parkda oturan şübhəli bir adamı görüb, vəziyyəti 112 Təcili Çağırış Mərkəzinə bildirib.
Əraziyə çoxlu sayda polis qrupu sövq edilib. Dərhal parkda qadın paltarında oturan O. A. (35) nəzarətə alınıb. Əlində iki şar və qadın paltarlarıyla polisə ifadə verən O. A., daha sonra geniş araşdırma aparılmaq üçün polis mərkəzinə aparılıb. Şübhəlinin parka velosipedi ilə gəldiyi və evə tez-tez gec gələn ögey qızını izləmək üçün qadın paltarı geyindiyi məlum olub. Qadın kimi görünmək üçün şarları doldurub sinəsinə yerləşdirən O.A.ın paltarların da anasına aid olduğu ortaya çıxıb.
Turan
