"Şimali Koreya Quama zərbənin endirilməsi ilə bağlı hazırlıq işlərini sona çatdırıb və ABŞ özünü ağıllı aparmasa, zərbə endiriləcək”. APA-nın xəbərinə görə, bunu Şimali Koreyanın Rusiyadakı müvəqqəti işlər müvəkkili Zin Çjon Xep deyib.
"Bunu etməyəcəkləri təqdirdə onlar dünya ictimaiyyəti qarşısında Koreya yarımadasında növbəti dəfə rüsvay olacaqlar”, - deyə o bildirib.
Xatırladaq ki, Şimali Koreya bundan əvvəl Sakit okeanın qərbindəki Quam adasında ABŞ-a məxsus hərbi obyektlərə zərbələr endirmək imkanını nəzərdən keçirdiyini bəyan etmişdi. Qeyd edək ki, Quam adasında ABŞ-a məxsus "Andersen” aviabazası və "Apra-Xarbor” hərbi-dəniz bazası yerləşir.
ABŞ prezidenti Donald Tramp, öz növbəsində, ABŞ-ın hərbi arsenalının Şimali Koreya ilə döyüşə hazır olduğunu bəyan edib.
