Ötən günlərdə paytaxtda xoşagəlməz bir hadisə yaşanıb. Bakıda oyuncaq mağazalarının birindən ailə qızlarına gəlincik alıb. Evdə uşaq gəlinciklə oynayan zaman valideynləri aldığı oyuncağın qız başlı, oğlan bədənli olduğunu görüb. Körpənin valideynləri qarşılaşdığı mənzərəni sosial mediada paylaşıb və paylaşım istifadəçiləri tərəfindən birmənalı qarşılanmayıb.
Məsələyə münasibət bildirən psixoloq Aytən Ələkbərova "Sherg.az”a söyləyib ki, valideynlər oyuncaq seçərkən çox ehtiyatlı olmalıdır:
"Xüsusən də oyuncaqlarda cinsiyyətlə bağlı məsələlərə diqqət edilməlidir. Çünki uşaqlar üç yaşlarından öz cinsiyyətlərini tanımağa başlayır. Bir zamanlar bədən üzvləri kimi tanıdığı cinsiyyət orqanlarını sonradan daha ətraflı tanıyırlar. Lakin bu kimi hallar baş verdikdə uşaqlarda fikir qarışıqlığı yaranır. İlk növbədə belə hallara valideynlər diqqət etməlidir.
Çünki bu cür hallar cəmiyyəti zəhərləyə bilər. Belə oyuncaqların hazırlanması heç də ürəkaçan bir amil deyil. Amma ola bilər ki, həmin gəlincik istehsal edilən zaman sexdə xammal çatışmazlığı ilə əlaqədar olaraq belə bir təşəbbüsə cəhd edilib. Həmçinin bəzi insanlar çəkdiyi xəstəliklə əlaqəli olaraq aqressiv olurlar. Eyni cinsə maraq göstərməyin özü də bir xəstəlikdir. Həmin tipli insanlar çalışırlar ki, bu problemi hər kəslə bölüşsünlər.
Ona görə də cəmiyyəti zəhərləyəcək bu cür addımlar atırlar. Hazırda eyni cinsə maraq göstərənlərin statistikasının artması bu kimi arzuolunmaz halların geniş təbliği ilə bağlıdır. Fikrimcə, bu cür oyuncaqlar xarici istehsaldır. Çünki belə hallar bizim mentalitetimizə ziddir. Amma Niderlandda iki kişi və ya iki qadın evlənə bilər. Ona görə valideynlər övladları ilə sıx əlaqədə olmalıdır. Onların oriyentasiyasını qorumaq üçün bu kimi məsələlərə ciddi diqqət etməlidir”.
Kənan Eynuroğlu
