Ukraynanın Mərkəzi Seçki Komissiyası (MSK) rəsmi olaraq Vladimir Zelenskini prezident seçkilərinin qalibi elan etdi. "Sherg.az” bu barədə "RİA Novosti”yə istinadən xəbər verir.
MSK-nın rəsmi açıqlamasına görə, Zelenski 73,23 faiz səs toplayıb. Əvvəlki president Petro Poroşenkonu isə seçicilərin 24,45 faizi dəstəkləyib. MSK bülletenlərin 2,31 faizini etibarsız sayıb.
Zelenskinin andiçmə mərasimi Ali Radada keçiriləcək. Qanuna əsasən, inauqurasiya mərasimi seçkinin nəticələrinin rəsmi elan olunmasından sonra ən geci 30 gün müddətində baş tutmalıdır. Bu halda, son tarix 30 maydır. Zelenski mayın 30-dək and içməlidir.
Zelenski MSK-nın səsvermənin nəticələrinin rəsmi elanını gecikdirmədə günahlandırırdı. MSK isə yeni prezidentin ittihamlarını rədd edərək, qanuna uyğun olaraq komissiyanın səssayma prosedurlarını həyata keçirmək üçün 10 gün vaxtı olduğunu açıqlamışdı.
Qeyd edək ki, yeni president Vladimir Zelenski aprelin 21-də keçirilən ikinci tur seçkilərdə qalib gəlib.
Anar
