KTMT “dişsiz” qurumdur: “Özbəkistandan sonra, Türkmənistan da imtina edə bilər”
Yusif Nəzərli
11:43 12.10.2021
Siyasət
935
“Fikrimcə, özünü tam şəkildə doğrultmamış bir qurum kimi KTMT-nin gələcəyi qeyri-müəyyəndir”
“Əslində mövcud durumun belə olması hadisələrin gedişatının məntiqinə tamamilə uyğundur”
Özbəkistan öz təhlükəsizliyini təmin etmək üçün kifayət qədər potensiala malik olduğuna görə Kollektiv Təhlükəsizlik Müqaviləsi Təşkilatına (KTMT) üzvlüyünü bərpa etmək niyyətində deyil. Bu barədə Özbəkistanın xarici işlər naziri Əbdüləziz Kamilov bildirib.
Nazir qeyd edib ki, Mərkəzi Asiya ölkələri və dünya gücləri ilə strateji tərəfdaşlıq bölgədə təhlükəsizliyi qorumaq üçün tamamilə kifayətdir.
Maraqlıdır, Özbəkistanın bu addımı atması digər türkdilli dövlətlərin də KTMT-dən imtinasına yola aça bilərmi?
Bunun yaxşı xəbər olduğunu diqqətə çatdıran siyasi şərhçi, professor Qulu Məhərrəmli “Sherg.az”a bildirib ki, KTMT faktiki olaraq yalnız Rusiyadan ibarətdir, heç bir MDB ölkəsinin orada silahlı qüvvələri yoxdur və iştirak səviyyələri çox fərqlidir:
“Sadəcə olaraq KTMT-nin regional təşkilat statusu alması üçün Rusiya bura öz müttəfiqlərini cəlb etməyə çalışır. MDB hansı taleyi yaşayırsa, KTMT - də həmin taleyi yaşayacaq. Bəlkə də, MDB yaranandan bu günə kimi onun icra sturukturlarının 2 minə yaxın qərarı var. Ancaq bunların heç bir icrası yoxdur, qərarların 90 faizi kağız üzərindədir. Çünki kollektiv maraqlar deyilən bir anlayış müasir geopolitikanın aktiv elementi kimi işləmir. Ona görə Rusiya bütün hallarda regionlarda ayrı-ayrı öz keçmiş müttəfiqlərinə təsir göstərməyə çalışır. Rusiyanın hələlik Orta Asiyaya təsir imkanları zəifdir. Hazırda Orta Asiyada geosiyasi maraqlar uğrunda Çinlə Rusiyanın böyük rəqabəti mövcuddur. İndi isə Taliban təhlükəsi yetişir. Hesab edirəm ki, bu, çox ciddi şəkildə bölgədə təhlükəsizlik məsələlərini yenidən nəzərdən keçirməyə əsas verir”.
Q.Məhərrəmlinin sözlərinə görə, çox güman ki, Özbəkistanın KTMT-yə üzvlükdən imtinası onun özünü bitərəf kimi təqdim etmək cəhdidir:
“Yəni hərbi cəhətdən heç bir bloka daxil olmamaq hər halda bölgədə digər dövlətlərlə normal münasibətlər qurmağa imkan verir. Ola bilsin, bu amil Özbəkistanın belə qərar verməsində həlledici roldur. Bütün bunlar o deməkdir ki, KTMT-nin regional hərbi güc olaraq perspektivi aydın görünmür. Bu gün Özbəkistan, sabah da Türkmənistan belə addım ata bilər. Fikrimcə, özünü tam şəkildə doğrultmamış bir qurum kimi KTMT-nin gələcəyi qeyri-müəyyəndir. Əslində mövcud durumun belə olması hadisələrin gedişatının məntiqinə tamamilə uyğundur”.
Oxşar xəbərlər
Xəbər lenti
Hamısına bax
Çinli gənc milyarder sərvətinin 90 faizini itirdi
19:55 21.11.2026
Dünya
“Qalatasaray” “Samsunspor”u məğlub edərək yeni rekorda imza atıb
19:23 21.11.2026
Futbol
Türkiyədə zəncirvari qəza: 14 nəfər yaralandı
19:03 21.11.2026
Hadisə
Aktrisa boşandığı həyat yoldaşı ilə yenidən bir arada - FOTO
18:51 21.11.2026
Şou
Zelenski: ABŞ Ukrayna və Rusiya ilə yeni danışıqlar planlaşdırır
18:36 21.11.2026
Dünya
Kral III Çarlz Türkiyəyə COP31-ə ev sahibliyinə görə təşəkkür etdi
18:32 21.11.2026
Aktual
Qazaxda kişi dəm qazından boğularaq ölüb
18:21 21.11.2026
Hadisə
Daha bir Vətən müharibəsi qazisi əmək qabiliyyətini bərpa edib
18:03 21.11.2026
Cəmiyyət
Tramp Putinin də G20 sammitində iştirakını gözləyir
17:45 21.11.2026
Dünya
ABŞ Rusiyada doğulan şəxsi deportasiya etmək istəyir
17:43 21.11.2026
Dünya
“Şəfa” “Qəbələ”yə qarşı, “Turan Tovuz”dan qələbə - Yenilənir
17:26 21.11.2026
Futbol
“Turan Tovuz” azlıqda “Şamaxı”ya qalib gəldi
16:42 21.11.2026
Futbol
Küləkli hava şəraiti ilə bağlı SARI XƏBƏRDARLIQ verilib
16:28 21.11.2026
Ekologiya