Brüssel görüşü! – Sülhün təməlləri atıldı:“Azərbaycanın ilkin 5 şərti...”
Yusif Nəzərli
11:00 08.04.2022
Gündəm
638
“Xarici işlər nazirlərinə barışıqla bağlı araşdırma komissiyası qurmaq tapşırıldı”
“O zaman xarici dövlətlər iki tərəfin münasibətlərindən təxribat törətmək, bizə qarşı siyasi təzyiq etmək, inkişaf yolundan geri döndərmək və s. üçün istifadə etməyi bacarmayacaqlar”
“Avropa İttifaqının vasitəçiliyi ilə sülhə doğru addımlayacağıq. Qərblə siyasi, iqtisadi, mədəni və s. əlaqələri rahat şəkildə inkişaf etdirə biləcəyik”
Aprelin 6-da Brüsseldə Avropa İttifaqı Şurasının Prezidenti Şarl Mişelin iştirakı ilə Azərbaycan Prezidenti İlham Əliyev və Ermənistanın Baş naziri Nikol Paşinyan arasında görüş baş tutub. Görüşdə bir sıra qərarlar qəbul edilib. Danışıqların nəticəsinə uyğun olaraq Ermənistanla Azərbaycan arasında sülh müqaviləsi üzrə danışıqların başlanması və bununla bağlı işçi qrupunun yaradılması həyata keçiriləcək.
Məsələ ilə əlaqədar Azərbaycan və Ermənistan XİN-lərinə müvafiq təlimatlar verilib. Sülh razılaşmasının əsas komponenti Azərbaycanın irəli sürdüyü 5 maddədən ibarət təklif və bunun əsasında predmetli danışıqların aparılmasıdır. Bu sənəddə əsas məqam Azərbaycanın ərazi bütövlüyüdür. Tərəflərin sərhəd məsələləri üzrə birgə komissiya yaratması, birinci növbədə sərhədlərin delimitasiya prosesinə başlaması barədə razılıq əldə olunub. Bunun nəticəsi olaraq sərhəddə gərginlik aradan qaldırılacaq.
Qeyd edək ki, ilk üçtərəfli görüş 2021-ci il dekabrın 14-də keçirilib, bununla da Prezident İlham Əliyev və Şarl Mişel tərəfindən Brüssel sülh gündəliyinin əsası qoyulub. Bunun davamı olaraq tərəflər arasında intensiv təmaslar aparılıb, telefon danışıqları reallaşıb.
Brüssel görüşünün Azərbaycan üçün bir çox faydaları olacağını “Sherg.az”a izah edən siyasi şərhçi Turab Rzayev bundan sonra sərhəd təxribatlarının ola bilməyəcəyini vurğulayıb:
“Nəhayət ki, ölkəmiz və Ermənistan arasında delimitasiya və demarkasiya ilə bağlı yekun qərar verilib. Artıq bu iki ölkə arasında sərhədin haradan keçdiyi bilinəcək. Bu bizə nə üstünlük verir? Ermənistan tərəfi müdaxilə edə bilməyəcək. Daimi olaraq həm müvəqqəti rus sülhməramlılarının nəzarətində olan bölgələrdən, həm də rəsmi İrəvan tərəfindən Azərbaycana qarşı təxribat törədilirdi. Rus sülhməramlıları tərəfindən baş verən provokasiyaların günahkarı birbaşa həmin sülhməramlılar və Rusiya dövlətidir”.
Siyasi şərhçi hesab edir ki, sülhlə bağlı addımın atılması digər üstünlükdür:
“Xarici işlər nazirlərinə barışıqla bağlı araşdırma komissiyası qurmaq tapşırıldı. Azərbaycan ilkin 5 şərtini bildirib, rəsmi İrəvan da xüsusi bir etiraz etməyib. Bununla da bu iki ölkə arasında sülhün ilkin təməlləri atılacaq.
O zaman xarici dövlətlər iki tərəfin münasibətlərindən təxribat törətmək, bizə qarşı siyasi təzyiq etmək, inkişaf yolundan geri döndərmək və s. üçün istifadə etməyi bacarmayacaqlar.
Avropa İttifaqının vasitəçiliyi ilə sülhə doğru addımlayacağıq. Qərblə siyasi, iqtisadi, mədəni və s. əlaqələri rahat şəkildə inkişaf etdirə biləcəyik”.
Oxşar xəbərlər
Xəbər lenti
Hamısına bax
Mark Rutte: Kırım körpüsünə hücumun uğurlu olduğu görünür
20:18 17.11.2026
Gündəm
Co Bayden: 2008-ci ildə Ukraynaya verilən vəd vaxtından əvvəl idi
20:10 17.11.2026
Gündəm
Bakıda ögey qardaşı 23 yaşlı qadını bıçaqlayaraq öldürüb
19:48 17.11.2026
Hadisə
Baxçalıdan sosial mediaya məhdudiyyət çağırışı: “Artıq vaxtıdır”
19:41 17.11.2026
Gündəm
İranın Qeşm adasında partlayışlar baş verib
19:12 17.11.2026
Aktual
Məşhur şadlıq saraylarında nöqsanlar: Mal əti əvəzinə...
19:01 17.11.2026
Sosial
Sumqayıtda "Embawood"un anbarında ölüm hadisəsi olub
18:55 17.11.2026
Hadisə
Alen Simonyan: Katolikos II Qaregin milli təhlükəsizliyə təhdiddir
17:46 17.11.2026
Region
Uşağa qulluğa görə müavinət hüququ... - Yeni qayda
17:44 17.11.2026
Sosial
İranda üç etirazçı edama məhkum edildi
17:26 17.11.2026
Dünya
Azərbaycanda saatlıq əməkhaqqı sistemi tətbiq ediləcək
17:24 17.11.2026
İqtisadiyyat
Britaniya TRIPP-in təhlükəsizliyinə töhfə verə bilər - ŞƏRH
17:18 17.11.2026
Aktual