Türkiyədə “Anadolu Qartalı - 2022” beynəlxalq taktiki uçuş təlimlərinə start verilib.
Taktiki uçuş təlimlərində Azərbaycan və Türkiyədən başqa İngiltərə, İordaniya, Pakistandan olan pilotlar iştirak edəcəklər.
Türkiyənin Konya şəhərində təşkil edilən beynəlxalq taktiki uçuş təlimlərində Azərbaycanı “Su-25” və “MiQ-29” qırıcı təyyarələri təmsil edəcəklər.
Beynəlxalq taktiki uçuş təlimlərində əsas məqsədi, xilasetmə və havadan yardım hərəkatına nəzarəti, yaxından hava dəstəyini, hərəkət dinamikasını gücləndirmək və iştirak edən dövlətlər arasında hərbi hava qüvvələri sahəsindəki birgə əməkdaşlığı genişləndirməkdən ibarətdir.
Qeyd edək ki, təlimlər iyunun 20-dən iyulun 1-dək davam edəcək.
