Ukraynada müharibə davam edir.
Baku TV-nin bu ölkədə olan əməkdaşı Mübariz Aslanov Ukraynadan son məlumatları çatdırıb.
O bildirib ki, ötən gün bütün Ukrayna boyu hava həyəcan siqnalı verilib.
Məlumata görə, müharibə müddətində ilk dəfə Belarusdan aviasiya hücumlarının gözlənildiyi ilə bağlı xəbərdarlıq olunub.
“İndiyə qədər Belarus ərazisindən əsasən raket və dron hücumları var idisə, artıq qırıcı-bombardmançı təyyarələr vasitəsilə hücumların ola biləcəyi xəbərdarlığı da verildi”, - deyə jurnalist əlavə edib.
O da bildirilib ki, Xersonda, Xarkov vilayətinin Rusiya ilə sərhəd qəsəbələrində, eləcə də Donetskdə döyüşlər daha da şiddətlənir.
