Qaz təchizatı sahəsində tariflərin tənzimlənməsi mexanizmi dəyişir. Bu məsələ Milli Məclisin bu gün keçirilən iclasında müzakirəyə çıxarılan “Qaz təchizatı haqqında” yeni qanun layihəsində əksini tapıb.
Sənədə əsasən, 2028-ci il iyulun 1-dən etibarən qaz təchizatı üzrə tənzimlənən qiymətlər (tariflər) müvafiq tənzimləyici orqan tərəfindən müəyyən ediləcək və qurumun rəsmi internet səhifəsində açıqlanacaq.
Eyni zamanda, elektrik enerjisi sahəsində də sabit aylıq tarifin tətbiqi nəzərdə tutulur. Bu, “Elektroenergetika haqqında” qanuna təklif edilən dəyişikliklərdə əksini tapıb.
Layihəyə əsasən, sabit tarif – elektrik enerjisinin istehlak səviyyəsindən asılı olmayaraq, sabit xarakterli xərclərin qarşılanmasına yönəlmiş və tənzimləyici tərəfindən müəyyən edilən məbləğ olacaq. Bu tarif hər bir istehlakçıya aylıq əsasda tətbiq ediləcək.
Milli Məclisin deputatı Azər Badamov Sherg.az-a söyləyib ki, bu gün keçirlən Milli Məclisin plenar iclasında qaz təchizatı və elektroenergetika qanunlarında sabit tarifin tətbiq olunması ilə bağlı qanun layihələri müzakirə olundu:
"Sabit tarif – qazın və ya da elektrik enerjinin istehlak səviyyəsindən asıllı olmayan sabit xarakterli xərclərin müvafiq icra hakimiyyəti orqanınının müəyyən etdiyi orqan tərəfindən müəyyənləşdirilən hissəsinin qarşılanması məqəsdilə hər bir istehlakçı üzrə tətbiq olunan aylıq tarif elementidir. Bu məbləğ hər bir ishehlakçı tərəfindən onun enerjini istehslak edib-etməməsindən asıllı olaraq hər ay ödənilməli və hamı üçün müəyyən olunmuş sabit bir rəqəm olacaq. Sabit tarifin tətbiq olunmasının məqsədi hər bir istehlakçıya qədər bütün kommunikasiyaların işləkliyini təmin etmək və fasiləsiz olaraq istehalak edilməsi üçün şəraitin yaradılmasıdır. Bunun qaz və enerjinin təchizatı ilə bağlı aparılan islahatların tərkib hissəsi olduğunu qeyd edə bilərik".
