Ankara yaxın günlərdə Suriya ordusunun təlimlərini müzakirə etmək üçün ölkəyə hərbi nümayəndə heyəti göndərəcək. Türk zabit Suriya ordusu rəhbərinin müşaviri təyin ediləcək.
Axar.az xəbər verir ki, bu barədə “Hürriyyət” qəzetinin köşə yazarı Abdulqadir Selvi deyib.
“Yaxın günlərdə hərbi nümayəndə heyəti ikinci dəfə Suriyaya səfər edəcək. Heyətin birinci səfəri zamanı (Xarici İşlər Nazirliyi, Müdafiə Nazirliyi və MİT rəhbərlərindən ibarət yüksək rütbəli Türkiyə nümayəndə heyəti martın 13-də Dəməşqə səfər edib) Türkiyə Müdafiə Nazirliyinin Müdafiə və Təhlükəsizlik İşləri İdarəsinin baş direktoru general-mayor İlkay Altındağ da qrupda var idi. Suriya ilə hərbi əməkdaşlığın bir hissəsi olaraq, Suriya ordusunun yenidən qurulmasına töhfə verəcəyik və ordunun potensialını gücləndirmək üçün müasir müdafiə sənayesi məhsulları təqdim edəcəyik”, - o bildirib.
