Kanadanın Britaniya Kolumbiyası əyalətində ana və qızının həyatını itirdiyi ayı hücumundan sonra hadisəyə səbəb olan dörd boz ayı məhv edilib.
Sherg.az xəbər verir ki, BBC-nin məlumatına görə, DNT analizləri hücumun bir dişi boz ayı və onun üç balası tərəfindən törədildiyini təsdiqləyib.
Hadisə bu ayın əvvəlində Bella Coola bölgəsindəki cığırda baş verib. Gəzintiyə çıxan 48 yaşlı Cennifer Balkarras və 20 yaşlı qızı Selah Rid vəhşi heyvanların hücumu nəticəsində həyatlarını itiriblər.
British Columbia Təbiəti Mühafizə Xidmətinin müfəttişi Ceff Tayr hadisədə nadir rast gəlinən ovçuluq davranışlarının müşahidə olunduğunu bildirib. İctimai təhlükəsizliyi qorumaq məqsədilə ana ayı və üç balasının məhv edildiyi açıqlanıb.
DNT testləri həmçinin bu ayıların 2025-ci ilin noyabrında eyni bölgədə məktəblilərə hücum edərək 11 nəfəri yaralayan ayı ilə əlaqəsinin olmadığını üzə çıxarıb.
Həlak olanların yaxınları böyük kədər içindədir. Cenniferin qardaşı Coş bacısı ilə qardaşı qızının bir-birindən ayrılmaz olduğunu, hər yerə birlikdə getdiklərini bildirib.
