Qazilər, şəhid ailələrindən işlə təmin olunmaq üçün müraciətlər alırıq.
Bunu Milli Məclisin Əmək və sosial siyasət komitəsinin bu gün keçirilən iclasında deputat Rauf Əliyev deyib.
Deputat bildirib ki, qazilər əlillik almaq üçün də müraciət edirlər: “Biz DOST mərkəzi vasitəsilə onların əlillik almasına kömək edirik. Əlillik dərəcəsi alandan sonra isə onları işlə təmin etmək olmur. Bununla bağlı ümumi mərkəz yaradılsa, yaxşı olar".
Deputat həmçinin 1 və 2-ci sinifdə proqramların yüklənməsi ilə bağlı problemi qaldırıb: “Uşaqlar dərslə çox yüklənir. Biz Elm və təhsil komitəsi ilə birgə bu məsələ ilə bağı dinləmə keçirək. Şagirdlərin niyə bu qədər yüklənməsinə aydınlıq gətirək”.
