
Yayda cəhənnəm əzabı: Kondisionersiz avtobus olar? -AÇIQLAMA
11:17 21.06.2024
Cəmiyyət
877
Yay mövsümü ilə əlaqədar sərnişindaşıma ilə məşğul olan xətt avtobuslarında iyun ayının 15-dən etibarən kondisionerlər işə salınıb.
Oxu.Az xəbər verir ki, kondisioneri olan avtobusların sərnişinlərindən fərqli olaraq, kondisionersiz avtobuslarla hərəkət etmək məcburiyyətində olanlar bu komfortdan yararlana bilmirlər.
Səbəb isə sadədir - bir çox sərnişin avtobuslarının istehsal ili köhnə olduğu üçün onlarda ümumiyyətlə kondisioner sistemi mövcud deyil.
Sürücülər isə yaranmış vəziyyətdən çıxış yolunu avtobusları qapısı açıq vəziyyətdə idarə etməkdə görürlər. Bu isə sərnişinlərin həyatı üçün təhlükəlidir.
Kondisionersiz avtobuslarla hərəkət etmək məcburiyyətində qalan sərnişinləri bir məsələ maraqlandırır - kondisionersiz avtobuslara, günün qızmar vaxtı günəşdən qorunmaq üçün, tünd rəngli plyonka çəkmək olmazmı?
Məsələ ilə bağlı Azərbaycan Yerüstü Nəqliyyat Agentliyinə (AYNA) sorğu ünvanladıq.
Agentlikdən Oxu.Az-ın sorğusuna cavab olaraq bildirildi ki, Nazirlər Kabinetinin (NK) müvafiq qərarına əsasən, avtobus və mikroavtobuslarda plyonka çəkilməsinə icazə verilmir.
"Azərbaycan Respublikası Nazirlər Kabinetinin 2023-cü il 21 yanvar tarixli 18 nömrəli Qərarı ilə təsdiq edilmiş Nəqliyyat vasitələrinin şüşələrinə örtüklərin çəkilməsi Qaydasına əsasən nəqliyyat vasitələrinin şüşələrinə örtüklərin çəkilməsi qaydasına uyğun olaraq sərnişindaşıma fəaliyyətində istifadə olunan avtobus və mikroavtobuslarda plyonka çəkilməsinə icazə verilmir", - deyə açıqlamada bildirilir.
Açıqlamada o da qeyd olunur ki, avtobus parkının yenilənməsi ilə bağlı mütəmadi olaraq daşıyıcı şirkətlər qarşısında məsələ qaldırılır.
"Müntəzəm avtobus marşrutları mərhələli qaydaları müsabiqəyə təqdim olunur. Müsabiqələrdə balanslarında müasir və saz vəziyyətdə avtobusları olan daşıyıcılar iştirak edir və qalib gələrək xətlərin istismarını həyata keçirirlər", - deyə açıqlamada vurğulanır.
Nəqliyyat məsələləri üzrə ekspert Yasin Mustafayev “Sherg.az”a bildirib ki, Nazirlər kabineti tərəfindən təsdiqlənən avtomobil nəqliyyatı ilə sərnişin və yükdaşıma qaydaları var:

“Həmin qaydalarda göstərilir ki, sərnişin daşımaq üçün istifadə edilən nəqliyyat vasitələrində isitmə-soyutma sistemləri olmalıdır. Həmin sistemin olmasından əlavə kondisioner işlək vəziyyətdə olmalıdır. Yəqin formal olaraq var, amma ya işlək vəziyyətdə deyil, ya da ki, müxtəlif səbəblərdən ötrü sürücü istifadə etmir. Bunların hər biri qayda pozuntularıdır. Əgər isitmə-soyutma sistemləri yoxdursa, həmin nəqliyyat vasitələri reysə buraxılmamalıdır. İndiki istilərdə avtobus tıxacda qaldığı və ya ləng hərəkət etdiyin üçün içərisində temperatur hədsiz dərəcədə yüksək olur. Nəqliyyat vasitələrində soyutma sistemlərinin olması vacibdir. Sürücünün alın və yan şüşələri plyonka ilə məhdudlaşdırıla bilməz. Ancaq sərnişinlərin oturduğu yan pəncərələrə pərdə və plyonkaların vurulmasının məhdudiyyəti yoxdur”.
Oxşar xəbərlər
Xəbər lenti
Hamısına bax
Bərdədə piyadanı avtomobil vuraraq öldürüb
21:16 18.11.2026
Hadisə
Ölsəniz belə, sülh olacaq - Ararat Mirzoyan
21:04 18.11.2026
Cənubi Qafqaz
Milli Məclisin sədri Türkmənistana işgüzar səfərə gedib
20:52 18.11.2026
Siyasət
Paşinyanın ən çətin sınağı başlayır - Elçin Alıoğlu
20:31 18.11.2026
Gündəm
Putinlə Tramp arasında APEC sammitində danışıq baş tutmayıb
20:10 18.11.2026
Siyasət
ÜST-dən SOS - 6 addım 1,6 milyon insanın həyatını xilas edə bilər
19:58 18.11.2026
Aktual
Xosep Qvardiola Səudiyyə Ərəbistanında işləməkdən imtina edib
19:50 18.11.2026
Futbol
Lemmidən çağırış: Yenidən AB üzvü olmalıyıq!
19:42 18.11.2026
Dünya
ABŞ Qeşm adasında SEPAH-ın raket buraxılış məntəqəsini vurdu
19:28 18.11.2026
Gündəm
Əkrəm İmamoğluna iki il həbs cəzası verildi
19:12 18.11.2026
Aktual
KİV: Putin Çinə nüvə çantası ilə gedib
18:24 18.11.2026
Dünya
Sumqayıtda payız-qış mövsümü ilə bağlı müşavirə keçirilib
18:22 18.11.2026
Sosial
KİV: Putin Çinə nüvə çantası ilə gedib
18:09 18.11.2026
Dünya